فيجو ده واحد من اعز اصحابي من شوية بس لسه معدي عليا
وقالى انه نجح وجاب جيد جدا
( فيجوا في بكالوريوس كهرباء جامعة عين شمس
اول لما قالي كده فرحت اوى وحضنته حضن جامد بقالى كتير ما فرحتش
زي النهارده في يوم واحد اسمع خبرين كويسين لاتنين من
اعز اصحابي انا جالي احساسين في نفس الوقت
الاول : افتكرت كلمة واحد من الصحابة اظنه ابو بكر الصديق
لما قال ( فشرب الرسول حتى ارتويت )
انا فعلا حسيت النهارده كده لما عرفت ان فيجو نجح
زي بالضبط ما اكون انا اللى نجحت
الاحساس التاني : ان ربنا انعم علينا النهارده بالنعمه ده وانها رسالة لاني
للاسف بقالى فترة مش كويس في علاقتى مع ربنا عموما
الحمد لله ان لسه انا بحس بصحابي بحس بفرحهم وبحزنهم
وهما كمان لسه بيحسوا بيا
والحمد لله ان ربنا لسه بيخلينه احس برسايله ليا
هناك تعليق واحد:
طيب ... كده مش عارف ابارك علي ايه و اللا ايه
ربنا يكتر المناسبات الحلوة
اولا : مبروك علي التدوينة .. و ان شاء الله نجدها جديدة متجددة دائما ..و اعدك يا محمد ..انني من الناس اللي حيحسوا بيك .. و تحس بيهم .. علي جتتك.
ثانيا .. الف مبروك لفيجو .. باركله ووصله سلامي
ثالثا .. الحمد لله عز وجل علي نعمة قرب لقاء اخواننا المبعدين .. و ربنا ياخد اخوانا البعدا..
فعلا يا اخواننا .. اخوانا وحشونا .. رغم انني لا اعرف بعضهم معرفة شخصية .. الا انني اشهد الله اني احبهم في الله .. ربنا يتقبل منهم .. و يربط علي قلوبهم و ذويهم .. و يعجل بعودة
الباقين
حسن ..من الرحمة
إرسال تعليق