21‏/08‏/2007

ظلم قريبي لصاحبي



 
 ظلم قريبي لصديقي

صحابي هما حياتي , ده تقريبا اقرب وصف لحياتي
طول حياتي وانا مقدرش استغنى عن صحابي من ساعة لما
كنت عايش في السعودية كنت بقضي معظم وقتى مع صحابي
ولما جيت مصر في 3اعدادي وماكنليش صحاب في مصر
كانت الحياة بالنسبالى سوده كنت فعلا كاره البلد ده لحد لما
اتعرفت على ( وليد سعيد)

وليد وأنا
وليد كان بيدرس الاشبال في الجامع اللى
جنبينا اللى والدى اصر انى احضر النشاط فيه رغم انى مكنتش عايز
احضر ,في الاول كنت بحضر علشان وليد وكنت بحب قوى لما يقسمونا
اني اكون في مجموعته رغم ان وليد كان اكبر منى بحوالى 7سنين
إلا اني كنت بعتبره اقرب صحابي
كنت بقضي معاه معظم اجازتي من ساعة لما اصحي اروح عنده البيت
وبعديها ننزل النشاط من العصر لحد العشاء وبعديها ارجع
اقعد معاه او نخرج او نعمل اى حاجة المهم كنا بنفضل مع بعض
اتعرفت على بباه ومامته واخواته وهو كمان اتعرف على اهلى
كنت بقضي كل حياتي معاه , واحيانا يكون عنده لقاءات ومواعيد
وكنت احضرها معاه ولو لقاء كبير مينفعش احضر كنت بستناه
لما يخلصوبعديها نخرج مع بعض

وليد والاخوان
هوه اول واحد عرفني يعني ايه اخوان وبيعملوا ايه وعايزين ايه
كان يكفيني ان وليد شايفهم ناس كويسين علشان احبهم
واول لما قعد لقاء تربوي كان هوه مسئولى وفضل مسئولى التربوي
اكتر من 3سنين ورا بعض ( اظن انها عمرها ما حصلت
لحد في الاخوان)وبعديها فضل مسئولى في حاجات ادارية
اتعلمت منه كتير واتاثرت بيه قوي من غير مااخد بالى
كنت بعتبره واحد من الناس القليلين اللى بيحسوا بيا

وليد وأسماء
علاقتى بيه ما يبنفش تتوصف لدرجة انه لما عاز يتقدم لاختى
وكان في نفس الوقت فيه اتنين تانين متقدمنلها وقفت في صفه طبعا
واقنعت اهلى يوافقوا عليه
ويوم خطوبة وليد واسماء كانت فرحان بشكل مش طبيعي ,
كنت بنزل اشترى معاه الهدايا لاختى في بداية فترة الخطوبة 
كنت حاسس ان علاقتى بوليد هتزيد بدل لما هيه علاقة صحاب
هتبقى علاقة صحاب وقرايب كمان لكن للاسف حصل عكس كده
بدات علاقتى بوليد تقل وبدل لما علاقة الصداقة تزيد بالقرابة
لقيت ان علاقة القرابة بتقلل من الصداقة بشكل كبير
لدرجة اني بقيت احيانا بتخنق لما وليد يجي يزورنا في البيت
مش عارف ليه ؟ يمكن لاني كنت بضطر اقعد في البيت لاني الاخ
الكبيروبابا مسافر, يمكن كنت بتخنق لاني كنت بغيير ان اختى
شغلة معظم وقت وليد مش عارف المهم ان ده كان احساسي

وليد وأنس
تقريبا علاقة الصداقة اللى بيني وبينه انتهت انا فعلا حزين عليها
 وان كانت علاقةالقرابة اتحسنت كتير بعد لما وليد واسماء اتجوزوا
وبقيت اروح ازورهم في بيتهم
كل الذكريات ده افتكرتها الاسبوع ده بعد لما ربنا رزق وليد واسماء
باول مولود (انس) 
فرحت قوي بانس خاصة انه على اسم اعز صحابي
فرحت قوي لاسماء اختى ولوليد قريبي بس اكيد
انى كنت هفرح لوليد صاحبي اكتر بكتير من فرحتى ده

وليد ووليد
احيانا
بحس ان وليد قريبي تعدى على حقوق وليد صاحبي
بحس ان وليد قريبي خلاني اظلم وليد صاحبي
بحس ان وليد قريبي خلاني اقتل جوايا وليد صاحبي
يمكن الاحساس ده اللى بيزعلني من وليد قريبي احيانا
صحيح انا دلوقتى علاقتى كويسه بوليد قريبي
بس كان نفسى احافظ على وليد صاحبي اللى كان بيحس بيا



هناك 10 تعليقات:

چـِنين ...عيلة و عايزة افهم يقول...

أنا رأيي

إنك تعرض الموضوع ده على وليد قريبك

و تحاول تعرف منه رد فعل وليد صاحبك

بجد

انا حاسة إن ده كلام هو لازم يسمعه

لأن الحاجات الحلوة دي مش من السهل إنها تضيع كدة

هاني جابر يقول...

شارك معنا وانضم الينا في لجنة الدفاع عن سجناء الرأي وحقوق الإنسان
شارك معنا بارسال حدث وتفاصيله لكي نفضح الظالمين ونفضح مهازلهم
انضم إلينا في يالا نفضحهم
www.dahayaa.com

انا محمد الأنصاري يقول...

شكرا يا جنين على راءيك
بس انا عامل المدونة ده علشان اقول فيها الكلام اللى مش عارف اقوله للناس

وان مش بلوم على وليد صحابي ولا قريبي

asmaa ibnatalislam يقول...

الاحساس ده بيحصل فعلا وبيجعل الانسان حزين وصعبان عليه ايام الصداقه بس يمكن لو مكناش اخوان كنت قلت من السهل ان العلاقه تضيع لكن احنا دعوتنا ربطت بيننا روابط مستحيل اي حاجه تانيه ممكن تزيلها
هي ممكن تفتر احيانا لكن لو احنا صادقين الاراده في استرجاعها هترجع ان شاء الله في قاعده كده نعيد ونفتكر فيها الايام الحلوه او المواقف الكوميديه مثلا او حتي المحن والتواصي والتناصح في الله
ربنا يظلكو في ظل عرشه يوم لا ظل الاظله

mariam يقول...

حاجه جميله مشاعر الصداقه دى
و اختيار العنوان زكى

مبروك على انس
وربنا يبارك فيه

تجمع المدونين الطامحين في وطن عربي بدون سجين رأي واحد يقول...

يلا نفضحهم
مدونه تمثل بدايه عمل جرىء و قوى
عن طريق لجنه بدأها و يرئسها الأستاذ / "محمد عبد القدوس" بالقاهره
والدكتور / " إبراهيم الزعفرانى" بالاسكندريه
هدفها فضح جرائم هذا النظام
من تعذيب و هتك أعراض و تزوير و و و و و
شارك معنا بمدونتك
عن طريق وضع رابط لنا على الاقل
لوضع الرابط برجاء الدخول على المدونه و نقل الكود الموجود بداخلها
Yallanefdahom.blogspot.com
نحن نسعى لتجميع اكبر عدد للمدونين لعمل شبكه ضخمه من المدونين تجعل كل من تسول له نفسه أن يعذب او يزور او يرتشى أو أو أو
أن يفكر الف مره قبل الأقدام على ذلك
نرحب بأى مشاركه على بريد المدونه
efdah@yahoo.com
إفضحوهم

تجمع المدونين الطامحين في وطن عربي بدون سجين رأي واحد يقول...

يلا نفضحهم
مدونه تمثل بدايه عمل جرىء و قوى
عن طريق لجنه بدأها و يرئسها الأستاذ / "محمد عبد القدوس" بالقاهره
والدكتور / " إبراهيم الزعفرانى" بالاسكندريه
هدفها فضح جرائم هذا النظام
من تعذيب و هتك أعراض و تزوير و و و و و
شارك معنا بمدونتك
عن طريق وضع رابط لنا على الاقل
لوضع الرابط برجاء الدخول على المدونه و نقل الكود الموجود بداخلها
Yallanefdahom.blogspot.com
نحن نسعى لتجميع اكبر عدد للمدونين لعمل شبكه ضخمه من المدونين تجعل كل من تسول له نفسه أن يعذب او يزور او يرتشى أو أو أو
أن يفكر الف مره قبل الأقدام على ذلك
نرحب بأى مشاركه على بريد المدونه
efdah@yahoo.com
إفضحوهم

انا محمد الأنصاري يقول...

اسماء
شكرا لنصحتك


مريم
الحقيقة العنوان مش بتاعي انا خدته
من انس صاحبي هوه اللى اوحالى بيه

نـــــــور يقول...

:)

اثرت فيا أوي على فكرة
قرأتها من فترة وكنت فاكرة إني علقت

بس طلعت ماعلقتش

كل سنة وانت بخير والأمة الاسلامية بعزة ونصر

تحياتي

Human يقول...

زوروا وشاركوا في إلارسولي
http://elarasoly.blogspot.com/
وده واجبنا كلنا للرد على تلك الهجمات
................