08‏/08‏/2007

فراق الحبيب



فـــراق  الحـبـيـــــب




بجد حاجة صعبه قوي انك تفارق انسان بتحبه
حاجه كده مبنفعش تتوصف
الاسبوع اللى فات ده لوحده
حسيت بمرارته 3 مرات وره بعض
اول مرة لما فيجو سافر للعمرة
وبعديها بيومين انس سافر المانيا
وامبارح لؤي سافر سوريا



بداية الحب
بوصوا انا اول لما احب واحد بحس انى
نفسي افضل معاه علطول بكلمه كتير قوي
لدرجة انه ممكن يزهق ويتخنق
اول لما حبيت احمد مجدي كان بالميت
بفضل معاه اكتر من 12ساعة في اليوم
ده غير اني اول لما اسيبه وارجع البيت اتصل بيه
ممكن المكالمة توصل لاكتر من ساعة
في حاجة تانيه بتحصلي اول لما احب اي حد
اني بحب اجيب سرته في اي حوار
حتى لو ملهوش علاقه بيه
بجد بيقبى حبيبي ده محور حياتي
تدريجيا تبدا المظاهر والمشاعرالجميله
ده تقل شويشية شوية يمكن يمر اسبوع او اسبوعين
من غير ولا حتى مكالمة



شكل جديد للحب
كنت زمان بفتكر ان كده خلاص
وانى مبقيتش احبه ولا حاجة
بس طلعت غلطان ولقيت حبي ليه
بيتحول من مجرد شوية مظاهر
لحب بجد
او تقدر تقول ان شكل الحب بيتغير
يمكن افضل اسبوع ماكلموش بس
 اول لما مجرد اسمعه انه محتاج حد جنبه
بجري عليه علطول
وانا كمان اول لما احس ان محتاج اشكي لحد
علطول بتصل بيه
واول لما احس انى ممكن افتقد علشان هيسافر
بتبقى حالتى وحشه قوى
فعلا بحس بمراة
مبحسش بطعم اي حاجة
بكون خنيق قوى
بصوا انا ممكن اختار اني ابعد شوية عن اللى بحبه
بس مقدرش استحمل ان الظروف هيه اللى
تفرقنا
عموما ده سنة الحياة
تقابل
الناس وتحبهم وبعدين
تفارقهم

هناك 3 تعليقات:

چـِنين ...عيلة و عايزة افهم يقول...

بوست رائع جداً

دلوقتي فهمت

أصل انا كنت عموما باقلق من الناس اللي بيبانوا ودودين و عاطفيين قوي قوي اكتر من اللازم


خصوصا لما اكون لسة متعرفة عليهم !!!

و مانكرش إن حكاية الخنقة دي كانت بتظهر ساعات برضة!!!

الناس بتختلف في تعبيرها عن الحب و التعامل معاه
لكن أهم شيء إنه يكون موجود
و يكون حب في الله
ساعتها مش مهم التعبير حيبقى ازاي
تحياتي

asmaa ibnatalislam يقول...

البوست ده جميل لانك عبرت عن مشاعرك ببساطه
فعلا الانسان ميقدرس يعيش من غير ناس يحبهم ويحبوه بس الحب ده يا محلاه لو كان في الله وبتجمعهم طاعة ربنا
ربنا يجمعك بكل اللي بتحبهم في الفردوس الاعلي مع النبيين
امين

انا محمد الأنصاري يقول...

جنين
شكرا على تغليقك
القلق من الناس العاطفين افضل اسالى مجرب

اسماء
شكرا على دعائك ليا انا وصحابي